देशकै सबै भन्दा गौरवशाली, शक्तिशाली र ठूलो संख्यामा रहेको नेपाली शिक्षकहरुको लोकतान्त्रिक पेसागत संस्था नेपाल शिक्षक सङ्घ आफ्नो स्थापना कालदेखि नै शिक्षक उन्नयन प्राज्ञिक स्वतन्त्रता हक हित र विभिन्न काल खण्डमा पेसागत मर्यादाको सीमाभित्र रहेर आन्दोलन गर्न पछि परेका छैनौं । शिक्षकहरुको संरक्षण, सम्बद्धन, सेवा, सुरक्षा र मर्यादा कायम राख्न सङ्घले खेलेको गौरवपूर्ण भूमिका कसैबाट छिपेको छैन । शिक्षकहरुले विषयगत दक्षता र सीपलाई एक आपसमा सम्प्रेषण गरी शैक्षिक उन्नयनमा अब्बल शिक्षक देखिनुपर्ने आजको आवश्यकता छ ।

नेपाल शिक्षक सङ्घ चितवनको ३१ औं प्रतिनिधि सभा पश्चात यहाँहरुको मार्गदर्शन सद्भाव, सहयोग र समर्थन प्राप्त गरी एक वर्ष सफलताका साथ पुरा गरेका छौं ।